Linux üçün Antivirus: Həqiqətən Ehtiyac Varmı?
Salam dəyərli dostlar, bu gün sizə ən çox verilən suallardan biri olan Linux-da antivirusa həqiqətəndə ehtiyac varmı? sualına cavab tapmağa çalışacağıq.Linux-un təhlükəsizlik sahəsində çox güclü olduğunu eşitmiş ola bilərsiniz. Bu doğrudur; Linux, digər əməliyyat sistemləri ilə müqayisədə viruslara qarşı daha az həssasdır. Bunun əsas səbəbləri:
- İcazələr sistemi (peremasion): Linux-da hər bir fayl və proqram üçün icazələr çox dəqiq şəkildə təyin edilir. Bu, zərərli proqramların sistemdə yayılmasını çətinləşdirir.
- Açıq mənbə mühiti: Minlərlə istifadəçi və proqramçı Linux-u daim təhlil edir, təhlükəsizlik zəifliklərini tez bir zamanda aşkar edib düzəldir.
- Linux-un bazar payı: Hədəf kütləsi daha kiçik olduğu üçün zərərli proqram yazanlar daha çox Windows istifadəçilərini hədəfləyir.
Linux-da antivirus ehtiyacları
Buna baxmayaraq, Linux-da tamamilə viruslardan qorunduğunuzu demək olmaz. Xüsusilə, Linux serverləri və ya e-poçt mübadiləsi vasitəsilə başqa əməliyyat sistemlərinə viruslar ötürülə bilər. Bu səbəbdən, bəzi Linux istifadəçiləri antivirus proqramlarına üstünlük verirlər, xüsusən də bir server idarə edirlərsə və ya qarışıq sistem mühitlərində (Windows və Linux) çalışırlarsa.
Linux üçün antivirus proqramları aşağıdakılardır
Əgər Linux üçün antivirus istifadə etmək istəyirsinizsə, aşağıdakı populyar antivirus proqramlarını nəzərdən keçirə bilərsiniz:
- ClamAV: Linux üçün ən geniş yayılmış pulsuz və açıq mənbə antivirus proqramıdır. O, həm də e-poçt serverləri üçün geniş istifadə olunur.
- Xüsusiyyətləri aşağıdakı kimidir:
- Virus, zərərli proqram və Trojan-ları aşkarlamaq üçün yaxşıdır.
- Sistemləri və e-poçt serverlərini yoxlamaq üçün geniş istifadə edilir.
- Aşağı sistem resursları istifadə edir.
- Xüsusiyyətləri aşağıdakı kimidir:
- Sophos Antivirus: Sophos Linux platformasında geniş istifadə olunan peşəkar antivirus proqramıdır.
- Xüsusiyyətləri aşağıdakı kimidir:
- Real vaxtda qoruma təklif edir.
- Yüngül və sürətli bir antivirusdur.
- Windows viruslarını da aşkarlayıb təmizləyir, bu da qarışıq sistemlər üçün faydalıdır.
- Xüsusiyyətləri aşağıdakı kimidir:
- Comodo Antivirus: Linux üçün mövcud olan digər güclü bir antivirus proqramıdır. Daha geniş təhlükəsizlik xüsusiyyətlərinə malikdir.
- Xüsusiyyətləri aşağıdakı kimidir:
- Fayl sistemi səviyyəsində real vaxt monitorinqi.
- Məlumat bazası müntəzəm yenilənir.
- Zərərli proqramları bloklamaq üçün firewall inteqrasiyası mövcuddur.
- Xüsusiyyətləri aşağıdakı kimidir:
Bizə nə vaxt antivirus lazımdır?
Linux istifadəçilərinin çoxu gündəlik istifadədə antivirus proqramına ehtiyac duymur, ancaq aşağıdakı hallarda antivirusdan istifadə etmək faydalı ola bilər:
- Serverləriniz vardırsa: Linux serverlərində, xüsusilə e-poçt serverlərində antivirus istifadə edərək müştərilərinizi və şəbəkənizi qorumaq yaxşı bir fikirdir.
- Qarışıq mühitlərdə işləyirsinizsə: Windows sistemləri ilə fayl mübadiləsi etdiyiniz halda virus ötürmə riskini azaltmaq üçün antivirus istifadə etmək məsləhətlidir.
- Riskli faylları yükləyirsinizsə: Naməlum mənbələrdən proqram yüklədiyiniz halda, antivirus proqramı əlavə qoruma təmin edə bilər.
Nəticə olaraq isə
Linux-da antivirus proqramı istifadə etmək, xüsusilə fərdi istifadəçilər üçün bir tələb deyil, amma serverlər və qarışıq sistemlərdə virusdan qorunmaq üçün faydalıdır. ClamAV kimi açıq mənbə antiviruslar bu ehtiyacları rahatlıqla qarşılayır.
