Host faylı (hosts file) kompüter sistemindəki bir konfiqurasiya faylıdır. Bu fayl sistem səviyyəsində IP ünvanlarını və domen adlarını (host adlarını) bir-birinə uyğunlaşdırmaq üçün istifadə olunur. Host faylı, DNS (Domen Adı Sistemi) ilə oxşar funksiyanı yerinə yetirir, lakin daha sadə və yerli səviyyədədir.
Bəs host faylı harada yerləşir? Host faylının yerləşdiyi yer əməliyyat sistemindən asılıdır aşağıda nəzər yetirək.
Linux və macOS – /etc/hosts
Windows – C:\Windows\System32\drivers\etc\hosts
Bəs host faylı nə üçün istifadə olunur? Domen adlarının IP ünvanlarına həlli yəni Host faylı DNS serverə müraciət etmədən müəyyən domen adlarının hansı IP ünvanına yönləndiriləcəyini təyin edir və təhlükəsizlik və reklamların Bloklanması reklam saytlarını və ya zərərli veb səhifələri IP ünvanı olaraq 127.0.0.1 (localhost) ilə uyğunlaşdıraraq onların bloklanmasını təmin etmək olar.Nümunə üçün
127.0.0.1 www.linuxoyren.com
Local test və İnkişaf etdirilən layihələri və ya test mühitlərini domen adları ilə bağlamaq üçün istifadə olunur.
DNS Problemlərinin həllin’ baxsaq DNS serverlər işləmədikdə, host faylı müvəqqəti həll yolu kimi istifadə edilə bilər.
Bəs host faylı necə işləyir?
Kompüter şəbəkə sorğusu göndərərkən, əvvəlcə host faylını yoxlayır. Əgər sorğu olunan domen adı host faylında tapılarsa, DNS serverə müraciət etmədən həmin IP ünvanına qoşulur. Əgər host faylında uyğunluq tapılmazsa, sistem DNS serverə yönəlir.
- Host faylında hər hansı bir dəyişiklik ediləndə diqqət ediləcək məsələlərə nəzər salsaq
- Host faylındakı səhvlər internet bağlantısını poza bilər
- Faylı redaktə etdikdən sonra sistemin DNS ön yaddaşını (cache) təmizləmək lazım ola bilər.
- İri miqyaslı şəbəkələrdə host faylı effektiv deyil, çünki çoxsaylı qeydiyyatların idarə edilməsi çətinləşir.
- Host faylı əsasən lokal və sadə istifadə halları üçün idealdır. Geniş miqyaslı və dinamik şəbəkələrdə isə DNS serverlər üstünlük təşkil edir.
