Chroot (change root) metodunun köməyi ilə Ubuntu sistemində root şifrəsini dəyişdirmək, şifrənizi unudduğunuzda və ya sistemə normal olaraq daxil ola bilmədikdə istifadə olunan çox faydalı bir üsuldur. Bu metod, Live USB/CD və ya digər Linux sistemlərindən istifadə edərək, kök fayl sistemini montaj edib, mühitə daxil olmaq və root şifrəsini sıfırlamaq imkanı verir. Aşağıda bu prosesi addım-addım izah edəcəyəm.
Nədir axı bu Chroot?
Chroot əmri, Linux və Unix əsaslı sistemlərdə kök (root) fayl sistemini dəyişmək üçün istifadə olunan bir alətdir. Bu, bir proqramın və ya əməliyyat sisteminin müəyyən edilmiş kök direktoriya ilə işləməsinə imkan verir. Chroot mühiti, əsasən, “köhnə” sistemə daxil olub, kök fayl sistemində əməliyyat aparmaq və şifrələri dəyişdirmək üçün istifadə olunur.
Əgər GRUB menyusuna daxil olmaq mümkün deyilsə və sistemin normal rejimində şifrənizi dəyişə bilmirsinizsə, Live USB/CD istifadə edərək root şifrəsini sıfırlamaq üçün chroot metodundan istifadə edə bilərsiniz.
- Live USB/CD ilə kompüteri işə salın və terminal açın.
- Sistemi mount edin
sudo mount /dev/sda1 /mnt sudo mount --bind /dev /mnt/dev sudo mount --bind /proc /mnt/proc sudo mount --bind /sys /mnt/sys
/dev/sda1 – Əgər başqa bir disk bölməniz varsa, onu tapın və uyğun olaraq əvəz edin.
Chroot mühitinə daxil olun
sudo chroot /mnt
Root şifrəsini dəyişdirin
passwd
Sistemdən çıxın və fayl sistemini ayırın
exit sudo umount /mnt/dev sudo umount /mnt/proc sudo umount /mnt/sys sudo umount /mnt
Sistemi yenidən başladın
sudo reboot
Mütləq aşağıda qeyd etdiyim qaydaları nəzərə alın ki, sonra peşmançılıq olmasın
- Fiziki Təhlükəsizlik: Hər kəsə root şifrəsini sıfırlamaq imkanı verməmək üçün serverlərinizin fiziki təhlükəsizliyinə diqqət yetirin.
- GRUB Parolunun Təhlükəsizliyi: Əgər şifrənizi unutmusunuzsa, bir kəs sizin kompüterə daxil olub GRUB menyusundan istifadə edərək şifrəni dəyişə bilər. Buna görə GRUB-u parolla qorumağı düşünün.
- Live USB/CD: Əgər GRUB menyusuna daxil olmaq mümkün deyilsə və ya digər üsullar işləmirsə, bir Live USB/CD ilə sistemə daxil olub şifrənizi sıfırlaya bilərsiniz.
